Куманово

Градот брои приближно 72.000 жители и е лоциран на надморска височина од 330-370 метри надморска височина.

За првпат, Куманово се спомнува во 16 век, а турскиот патеписец Евлија Челебија во 1670 година за градот запишал дека: `градот има 600 куќи покриени со ќерамиди, џамија, теќе, ан и јавно купатило, медреса, воденица, дуќани...`

Во Првата Балканска Војна, овде српската војска тешко ја поразила османлиската војска.

Од културните манифестации во градот, посебно место заслужува единствениот фестивал од тој вид во Македонија - „Денови на комедијата“. Тоа е смотра на најдобрите комедии, актери, режисери, сценографи, костимографи и драмски автори од Македонија и странство. Манифестацијата се одржува во првата половина на октомври.

Во Куманово, на крајот на август се одржува и меѓународната манифестација `Куманово џез фестивал`.